Colombia, Memoria de actividades — 11/10/2016 a 11:47 am

Colombia: entre la esperanza de la paz y la crisis de los DDHH

image_print
Charra pública que tendrá llugar nel Llar La Llegra d'Uviéu (Cai El Postigu Baxu, 40), el xueves 13 d'ochobre a les 19.30 de la tarde, polos collacios del Colectivu Luciano Romero Molina.

 

Dempués del pasu d’esta charra pel CS La Semiente de L’Entregu la selmana pasada tenemos a los compañeros refuxaos de Colombia n’Asturies analizando en La Llegra l’actualidá política del so país.

El gobiernu de Colombia ta acabante de firmar un Alcuerdu de fin de la guerra coles FARC desatando una folada d’esperanza na población colombiana.

Ensin embargo, nel plebiscitu celebráu esti domingu 2 d’ochobre’l resultáu foi NON, lo que dexa nel aire esti procesu de paz. Amás, munches zones del país siguen en guerra, nun abriéndose entá les conversaciones pa pone-y fin al conflictu armáu coles guerrilles del ELN y el EPL.

Al tiempu, cola esperanza de paz, los grupos narco-paramilitares aneciaron na persecución en tol país amenazando a cientos de persones y asesinando a 39 dirixentes sociales nesti añu, lo que pon enriba la mesa l’ausencia de garantíes pa quienes defenden los drechos humanos.

Un grupu de trés defensores de los drechos humanos de Colombia agospiaos pol Programa Asturianu d’Atención a Víctimes de la Violencia en Colombia falarán d’estos asuntos nuna charra pública que tendrá llugar nel Llar La Llegra d’Uviéu (Cai El Postigu Baxu, 40), el xueves 13 d’ochobre a les 19.30 de la tarde, a la que tais convidaes toes.