Convocatorias — 07/12/2012 a 8:13 pm

LLUNES 10 d´ AVIENTU EL PARCHÍS XIXÓN

image_print

 

 

La Plaza’l Parchís de Xixón sedrá l’escenariu’l llunes de dellos actos pol Día Internacional de los Drechos Humanos, baxo’l llema “Frente a la falta de drechos humanos, nun tragamos”.

El llunes 10 d’Avientu, y con motivu del Día Internacional de los Drechos Humanos, delles organizaciones entamen una serie d’actos na Plaza’l Parchís de Xxón, baxo’l llema “Frente a la falta de drechos humanos, nun tragamos”.

A les 16:00 van a colocase paneles informativos y espardese panfletos, demientres qu’a les 19:30 entamará l’actu central. Nel mesmu habrá un presentación, asina como la llectura d’un manifiestu vindicativu de los Drechos Humanos.

Amás, habrá delles intervenciones de los coleutivos convocantes, asina como d’estayes en llucha como sanidá, educación, servicios sociales, etc, too ello amenizao pola Charanga Ventolín. Estos actos tan convocaos pola CSI, Sestaferia, Pueblo y Dignidad, Asociación Gaspar García Laviana, Cambalache, Alambique, Cosal, MSEPA, CONGD, y persones individuales, col sofitu de Solpepaz.