Convocatorias, Venezuela — 09/06/2014 a 11:42 am

Bilbao, 13, 14 y 15 de Junio

image_print

 

 

XI Alcuentru del Estáu español de Solidaridá cola Venezuela Bolivariana

“Solidaridá con Venezuela: pola democracia y el socialismu, contra’l golpismu”

Bilbo va acoyer, los díes 13, 14 y 15 de xunu del 2014, el XI Alcuentru Estatal de Solidaridá cola Venezuela Bolivariana, entamáu pol Círculu Bolivarianu “La Puebla”, d’Euskal Herria, y l’asociación d’amistá Euskadi – Cuba, col eslogan “Solidaridá con Venezuela: pola democracia y el socialismu, contra’l golpismu”.

Son momentos cruciales pal Movimientu de Solidaridá cola Revolución Bolivariana de Venezuela, que güei tien la obligación d’aumentar y ameyorar les sos aiciones frente a la guerra política, económica y mediática que sufre’l procesu bolivarianu.

Nos primeros meses d’esti añu 2014, la Revolución Bolivariana de Venezuela siguió sufriendo un acosu intensu dende poderosos actores internos y esternos, con estratexes de desestabilización de “golpe suave”.

Poro, nesti XI Alcuentru, vamos faer fincapié nel discutiniu propositivu pal ameyoramientu de los preseos organizativos y de comunicación del movimientu de solidaridá, buscando coordinar de manera más eficiente les nueses aiciones, compartir los recursos humanos y técnicos esistentes, y ameyorar les ferramientes de comunicación pal trabayu informativu, elementu central nel actual escenariu de guerra mediática escontra la Revolución Bolivariana.

Va ser ocasión, tamién, pa conocer esperiencies democrátiques de poder popular, de construcción d’espacios socialistes, y de consolidación de drechos sociales y económicos en Venezuela, sobre los qu’hai un silenciu total nos grandes medios de comunicación internacionales.

Invitámosvos a venir a Bilbo, pa sumavos al esfuerciu coleutivu d’exercer, güei más que nunca, un llabor sosteníu y eficaz de solidaridá col pueblu lluchador de Venezuela, colos sos movimientos populares y col so gobiernu revolucionariu.