Gaspar García Laviana ensin escaezu. Pepín Lobo charra so'l Comandante Martín


12507156_1028380463890814_4171714163208732170_nLLUNES 25 – 19:00 Llar La Llegra

Charra José Lobo, compañeru de llucha de Gaspar
- Proyeición del documental “Tierra de Guerrilleros” (Amanda Castro)

Comandante Martín, mamando de les llamuergues y la neblina d’Asturies metiste les tos manes so la tierra sandinista, te llevare a onde te llevare. Allumáu pol campesináu, saborgando la so llucha como la to llucha, fuiste exemplu ensin buscalo, fuiste guerrillero ensin nenguna patria pero cola llume de toes.

Remembrámoste col to pensamientu:

“Cuando muerra,
nun quiero que solluten mentires
les sanixueles del pueblu

Yo vi les sos llárimes
Consolando les viudes de los campesinos
Pa llueu matales
De fame
Y vi matar a los líderes de los probes
– probes como ellos
Pa llueu lloralos nos entierros suntuosos
Yo vi a los trabayaores sufrir accidentes
Por falta de seguridá
Yo vi les cares d’estos perros gordos murnios,
vi les sos llárimes salaes,
y vilos más tarde
rematalos,
cola fame y el despíu,
rematalos a pataes
Como a perros flacos
Non, ¡que nun me lloren ellos!”

tierra-securedownload1