Gonzalín, compañero, seguiremos tu sendero


Ha fallecido nuestro compañero Gonzalo (Gonzalín).

Se-y va rendir un homenaxe de cuerpu presente güei martes 19, de 5 a 8 de la tarde, na Casa Sindical de Xixón, y a les 7:30 tendrá llugar un actu políticu y solidariu de tolos sos compañeros y compañeres.

Esti llunes, 18 de xineru, morrió en Xixón a los 71 años d’edá Vitorino Gonzalo García Fernández, “Gonzalín”, que fuera ún de los fundadores y destacáu militante hasta’l so fallecimientu de la Corriente Sindical d’Izquierda (C.S.I.).

Si una palabra definía a Gonzalín nun ye otra que SOLIDARIDÁ. Una solidaridá que amosó día ente día dende fae décades, al tar siempre na primer llínia d’incontables lluches polítiques y sociales: movimientu obreru, insumisión, movimientu antiglobalización, ecoloxismu, 15M, contra los desahucios… son namás unos exemplos de tolos frentes de batalla contra’l Capitalismu nos que’l nuesu compañeru s’involucró. Esto-y acarretó abondes detenciones y xuicios, lo mesmo na época de la dictadura franquista que na llamada Democracia, pero la represión nunca amenorgó’l so espíritu combativu y solidariu, sinon que lu fizo más fuerte tovía. El so exemplu sirvió amás a centenares de mozos y moces, a los que Gonzalín siempre trató como si fueren fíxs suyxs, pa comprender les inxusticies d’esti mundu y enfrentase a elles, lo que lu convirtió nun referente pa delles xeneraciones pol so exemplu de llucha.

Gonzalín conoció tamién de primer mano toes estes inxusticies y lluchó contra elles durante la so trayectoria llaboral nos más diversos sectores: minería, metal, construcción, sector naval… onde, a diferencia del individualismu y la insolidaridá tan vixentes anguañu, foi un exemplu de llucha obrera y de xenerosidá, pues como él mesmu dicía “el trabayu dáme pa vivir y nada más”, siendo incontables les muestres de xenerosidá que siempre amosó tamién a nivel económicu, con compañeros y compañeres represaliaes, con caxes de resistencia d’abondos conflictos y un llargo etcétera que dexen bien a les clares la humildá y la solidaridá que siempre tuvo’l nuesu compañeru.

Compañeru siempre tarás con nosotrxs na llucha.
Que la tierra te seya leve.


Fragmento del poema de Mario Benedetti “Me sirve y no me sirve”:

“sí me sirve la vida
que es vida hasta morirse
el corazon alerta
sí me sirve

me sirve cuando avanza
la confianza

me sirve tu mirada
que es generosa y firme
y tu silencio franco
sí me sirve

me sirve la medida
de tu vida

me sirve tu futuro
que es un presente libre
y tu lucha de siempre
sí me sirve

me sirve tu batalla
sin medalla

me sirve la modestia
de tu orgullo posible
y tu mano segura
sí me sirve

me sirve tu sendero
compañero.”