Convocatorias — 23/01/2012 a 10:30 am

Miércoles 25 La Madreña 17:00 H

image_print

Esposición Kalvellido Bolivarianu.

El miércoles instalarase la esposición “Kalvellido bolivarianu” nel CSO la Madreña.

“El nuestru norte ye’l sur”

Pasaron yá más de 13 años desque Hugo Chávez ganara les elecciones en Venezuela, recuperando les ilusiones y les esperances de millones de persones desposeídes en toa Suramérica (que son la inmensa mayoría de la población), enfastiaes de los esperimentos qu’el FMI impunxo per décades nos sos países.

Magar la omnipotencia de los grandes emporios mediáticos, opuestos por naturaleza a cualesquier tipu de xusticia social y a la sistemática manipulación llevada a cabu por estos dientro y fuera de Venezuela, el fenómenu nun tardó n’estendese per tola América Llatina, favoreciendo a candidatos progresistes en bona parte del continente (Bolivia, Ecuador, Uruguai, Arxentina, Paraguai, Nicaragua, El Salvador, Brasil?) y rematando cola creación del ALBA (Alternativa Bolivariana pa les Amériques), en contraposición al proyectu USAmericano de ALCA (Alcuerdu de Llibre Comerciu d’América, felizmente fináu).

 

 
El poderosu imperiu del Norte nun consiguió quebrar la voluntá popular nin siquier promoviendo, financiando o sofitando la desestabilización ya inclusive golpes d’estáu, como en Venezuela en 2002 y 2003, Bolivia 2008, Ecuador 2010, Honduras 2009 (esti sí esitosu).

Con tou y más, los cambeos qu’entamaron na tierra de Bolivar siguen avanzando pela América Llatina, amenorgando significativamente la probeza y la esclusión social, dalgo que los grandes medios d’INcomunicación despinten un día sí y otru tamién, pero qu’hasta la ONU vese obligada a reconocer: “Consiguiéronse meyores considerables na consecución d’una política equitativa y d’amplia base qu’inclúi a sectores que per décades vieron negada la posibilidá d’exercer los sos derechos sociales”, cumpliendo asina en demasía los Oxetivos de Desenvolvimientu del Mileniu, daqué que nin siquier na ‘desarrollada’ Europa tamos llueñe de suañar.

En plena crísis capitalista global, el gobiernu venezolanu amenorgó l’índiz de probeza del 49 al 24 %, y el de probeza estrema del 30 % a solo’l 7%, demientres erradicó l’analfabetismu (reconocíu pola UNESCO) y llevó l’asistencia médica ellí onde enxamás la hubo. Tal foi’l casu de la Misión Milagru, qu’en collaboración con Cuba, devolvió la vista a diez millones de suramericanes/os probes.

Tou esto contrasta cola situación que vivimos nel ‘Primer Mundu’, onde los derechos sociales esmúcense, el costu de la vida dispárase, los sueldos esbarrúmbense, privatízase too…

Los dibujos responden a una actividad del Encuentro Estatal de Solidaridad

con Venezuela, celebrado en Asturias, cuyas ponencias también fueron

editadas acompañadas de las ilustraciones del dibujante andaluz

Organiza:
-Grupo Bolivariano de Asturies
-SOLDEPAZ Pachakuti
-COSAL